தென்னிந்திய சினிமாவில் முன்னணி நடிகையாக வலம் வரும் சமந்தா யசோதா என்ற திரைப்படத்தில் தற்போது நடித்துள்ளார். இந்த படத்தில் எழுத்தாளராக நடிகை சமந்தா நடித்துள்ள நிலையில், வரலட்சுமி சரத்குமார், சம்பத்ராஜ் மற்றும் மதுரிமா உள்ளிட்டோர் முக்கிய வேடத்தில் நடித்திருந்தனர். இந்த படத்தின் ப்ரோமோஷன் நிகழ்ச்சிகளில் சரும பிரச்சனையால் மருத்துவ மனையில் சிகிச்சை பெற்று வந்த நிலையில், நடிகை சமந்தா கலந்து கொண்டார். அதன் பிறகு இவர் ஹாலிவுட் சண்டை பயிற்சியாளருடன் பயிற்சி எடுக்கும் வீடியோவும் சமூக வலை தளங்களில் வெளியாகி வைரலானது.
யசோதா திரைப்படத்திற்கு தணிக்கை குழு யூ/ஏ சான்றிதழ் வழங்கிய நிலையில், கடந்த 11-ஆம் தேதி பான் இந்தியா படமாக யசோதா திரையரங்குகளில் ரிலீஸ் ஆனது. இந்தப் படம் ரிலீஸ் ஆன நாளிலிருந்து தற்போது வரை பாஸிட்டிவ்வான விமர்சனங்களே குவிந்து வருகிறது. இந்நிலையில் படத்தின் முதல் நாள் வசூல் குறித்த விவரத்தை படக்குழுவினர் அதிகாரப் பூர்வமாக அறிவித்துள்ளனர். அதன்படி முதல் நாளில் மட்டும் 6.32 கோடி வசூலித்து பிளாக் பாஸ்டர் ஹிட் ஆகியுள்ளது. மேலும் தெலுங்கு சினிமாவின் டாப் 10 பட்டியலிலும் யசோதா திரைப்படம் இருக்கிறது என்பது குறிப்பிடத்தக்கதாகும்.
