‘கொரோனா குமார்’ படத்தில் கதாநாயகியாக நடிப்பவர் குறித்து தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வருபவர் சிம்பு. இவர் நடிப்பில் சமீபத்தில் வெளியான மாநாடு திரைப்படம் ரசிகர்களிடையே நல்ல வரவேற்பை பெற்றது. இதனையடுத்து, இவர் தற்போது ”வெந்து தணிந்தது காடு” படத்தில் நடித்து வருகிறார். இதனையடுத்து, இயக்குனர் கோகுல் இயக்கத்தில் இவர் ”கொரோனா குமார்” என்ற படத்தில் நடிக்க உள்ளார்.
இந்நிலையில்,”கொரோனா குமார்” படத்தில் கதாநாயகியாக நடிப்பவர் குறித்து தகவல் வெளியாகியுள்ளது. அதன்படி, இயக்குனர் சங்கரின் மகள் அதிதி சங்கர் இந்த படத்தில் ஹீரோயினாக நடிக்க ஒப்பந்தமாகி இருப்பதாக கூறப்படுகிறது. விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.