அடடே….! “வாரிசு” திரைப்படத்தைத் தொடர்ந்து…. தமிழ் திரையுலகின் பிரபல நடிகருடன் இணைந்த ராஷ்மிகா….!!!!

தெலுங்கு திரையுலகின் முன்னணி நடிகையான ராஷ்மிகா மந்தனா  விஜய்யின் “வாரிசு” திரைப்படத்தில் கதாநாயகியாக நடித்து வருகின்றார்.

தமிழில் சுல்தான் படத்தில்  நடிகர் கார்த்தி-க்கு ஜோடியாக அறிமுகமான ராஷ்மிகா மந்தனா. தற்போது விஜய்யுடன் தமிழ் மற்றும் தெலுங்கு மொழிகளில் தயாராகும் “வாரிசு” திரைப்படத்திலும் நடித்து வருகின்றார். இந்த திரைப்படம் 2023-ஆம் ஆண்டு பொங்கலுக்கு வெளியாக உள்ளதாக தகவல் வெளியாகியுள்ளது. இந்நிலையில் இதன் படப்பிடிப்பு விறுவிறுப்பாக நடைபெற்று வருகின்றது.

இதனை தொடர்ந்து நடிகை ராஷ்மிகா, தனுஷ் படத்தில் நடிக்கவுள்ளதாக தகவல் வெளியாகியுள்ளது. இயக்குனர் சேகர் கம்முலா இயக்கத்தில் தனுஷ் நடிக்கும் புதிய திரைப்படத்தின் படப்பிடிப்பு அடுத்த வருடம் ஜனவரி மாதம் தொடங்கவுள்ளதாக கூறப்படுகின்றது. இதனை அடுத்து இந்த திரைப்படத்தில் நடிகை ராஷ்மிகா மந்தனா கதாநாயகியாக நடிக்கவுள்ளதாகவும் இது குறித்து படக்குழு அவரிடம் பேச்சு வார்த்தை நடத்தி வருவதாகவும் தகவல் வெளியாகியுள்ளது என்பது குறிப்பிடப்பட்டது.