“பொன்னியின் செல்வன்” திரைப்படம் ரூ. 500 கோடியை நெருங்கும் என எதிர்பார்க்கப்படுகின்றது.
தமிழ் சினிமா வரலாற்றில் ஒரு திரைப்படம் முதல் முதலில் ரூபாய் 500 கோடியை தொட போகின்றது என்பது ஒரு சரித்திரம். அந்த சாதனையை சரித்திர படமாக “பொன்னியின் செல்வன்” திரைப்படம் அடுத்த சில நாட்களில் நிகழ்த்த உள்ளது. இந்த தகவலை தயாரிப்பு நிறுவனமே ரூ. 500 கோடியை கடந்தது என்ற அறிவிப்பை வெளியிடலாம். கடந்த வாரம் ரூபாய் 450 கோடி வசூலை கடந்ததாக அறிவித்திருந்தார்கள். அதற்குப் பிறகு தீபாவளி விடுமுறை நாட்களிலும் இந்த திரைப்படத்திற்கு நல்ல வசூல் கிடைத்துள்ளது. இதனைத் தொடர்ந்து தீபாவளிக்கு வெளியான இரண்டு படங்களுடனும் போட்டி போட்டு “பொன்னியின் செல்வன்” திரைப்படமும் நல்ல வசூலை பெற்று திரையுலகினரை ஆச்சரியப்படுத்தியுள்ளது.
யஇந்த வார நாட்களிலும் பல தியேட்டர்களில் நல்ல முன் பதிவு நடைபெற்றுள்ளது. இந்த திரைப்படம் வெளியான மற்ற மொழிகளிலும் அதிக வசூலை பெறாமல் தமிழில் மட்டுமே ரூபாய் 400 கோடிக்கும் அதிகமாக வசூலித்துள்ளது என்பது குறிப்பிடத்தக்கது. மற்ற மொழிகளிலும் இந்த படத்திற்கு வரவேற்பு கிடைத்திருந்தால் ரூ. 1000 கோடி வசூலை தொட்டிருக்கும் ஆனால் இந்த திரைப்படம் தமிழ் மன்னனின் வாழ்க்கை வரலாற்று படம் அதை ஏன் நாம் பார்க்க வேண்டும் என மற்ற மொழி ரசிகர்கள் நினைத்து படத்திற்கு அந்தந்த மொழிகளில் மைனஸ் ஆகிவிட்டது.