தமிழ் சினிமாவில் 2019 ஆம் ஆண்டு வெளியான கோமாளி படத்தின் மூலம் இயக்குனராக அறிமுகமானவர் பிரதீப் ரங்கநாதன். இவர் தற்போது லவ் டுடே படத்தை இயக்கியுள்ளார். இப்படத்தை ஜிஎஸ் என்டர்டெயின்மெண்ட் நிறுவனம் தயாரித்து உள்ளது. பிரதீப் ரங்கநாதன் கதாநாயகன் நடிக்கும் இப்படத்தில் சத்யராஜ், ராதிகா, யோகி பாபு, ரவீனா மற்றும் ஆதித்யா கதிர் உள்ளிட்ட பலர் நடித்துள்ளனர். இப்படத்தில் யுவன் சங்கர் ராஜா இசையமைத்துள்ளார்.
இந்த திரைப்படம் கடந்த 4 ஆம் தேதி வெளியாகி மக்கள் மத்தியில் மாபெரும் வரவேற்பை பெற்று வருகிறது. இளைஞர்கள் மட்டுமில்லாமல், குடும்பங்கள் ரசிகர்களும் இப்படத்தை கொண்டாடுகிறார்கள். அதன் பலனாக நாளுக்கு நாள் லவ் டுடே படத்தின் வசூல் அதிகரித்துக் கொண்டே செல்கிறது. இந்நிலையில் தமிழகத்தில் மட்டுமே மூன்று நாட்களில் ரூ.15 கோடி வரை வசூல் செய்து சாதனை படைத்துள்ளது என்று தெரிவிக்கப்பட்டுள்ளது.