பிரபல ஹாலிவுட் நடிகர் ஜேம்ஸ் கேமரூன் இயக்கத்தில் கடந்த 2009-ம் ஆண்டு வெளியான அவதார் படம் உலக அளவில் சூப்பர் ஹிட் ஆனது. இந்த படம் ரிலீஸ் ஆகி கிட்டத்தட்ட 13 வருடங்கள் கழித்து அவதார் 2 திரைப்படத்தை ஜேம்ஸ் கேமரூன் இயக்கியுள்ளார். இந்த படம் திரையரங்குகளில் ரிலீஸ் ஆகி வெற்றிகரமாக ஓடிக் கொண்டிருக்கிறது. இந்த படம் உலகம் முழுவதும் உள்ள 160 மொழிகளில் 50 ஆயிரம் தியேட்டர்களில் கடந்த 16-ம் தேதி ரிலீசாகியுள்ளது. இந்த படம் உலகம் முழுவதும் உள்ள ரசிகர்களிடம் அமோக வரவேற்பை பெற்று பாக்ஸ் ஆபிஸில் வசூல் வேட்டை நடத்தி வருகிறது.
அதன்படி சர்வதேச அளவில் அவதார் 2 திரைப்படமானது 600 மில்லியனும், வட அமெரிக்கா பாக்ஸ் ஆபிஸில் மட்டும் 250 மில்லியனும் கலெக்ஷன் ஆகியுள்ளது. அதன் பிறகு இந்தியாவில் மட்டும் அவதார் 2 திரைப்படம் 300 கோடி ரூபாய் வரை வசூல் சாதனை புரிந்துள்ளது. இந்நிலையில் அவதார் 2 திரைப்படமானது இந்திய மதிப்பில் இதுவரை சுமார் 7000 கோடி வரை வசூல் சாதனை புரிந்துள்ளதாக தகவல் வெளியாகியுள்ளது. மேலும் பாக்ஸ் ஆபிஸில் தொடர் வசூல் வேட்டை நடத்திவருவதால் இனிவரும் நாட்களில் அவதார் 2 திரைப்படத்தின் வசூல் நிலவரம் அதிகரிக்கும் என்று எதிர்பார்க்கப்படுகிறது