தமிழ் சினிமாவில் முன்னணி நடிகராக வலம் வருபவர் கார்த்தி. இவர் தனிக்கென்று தனி ரசிகர் பட்டாளத்தையை உருவாக்கியுள்ளார். இவர் தற்போது பி.எஸ். மித்ரன் இயக்கத்தில் கார்த்தி நடித்துள்ள படம் ‘சர்தார்’. இதில் மிரட்டும் வில்லனாக இந்தி நடிகர் சங்கி பாண்டே நடித்துள்ளார். மேலும் ராசி கண்ணா, ரெஜினா விஜயன், லைலா, யுகி சேது, முனீஸ்காந்த், மாஸ்டர் ரித்விக், அவினாஷ், முரளி சர்மா மற்றும் பலர் முக்கிய கதாபாத்திரத்தில் நடித்திருக்கின்றனர். பிரின்ஸ் பிக்சர் தயாரித்து உள்ள இப்படத்திற்கு ஜி.வி. பிரகாஷ் இசையமைத்துள்ளார்.
இந்தத் திரைப்படம் கடந்த அக்டோபர் 21ஆம் தேதி திரையரங்குகளில் வெளியாகி வசூல் சாதனை நிகழ்த்தி வருகிறது. முதல் வாரத்தில் 380 திரையில் வெளியிடப்பட்ட சர்தார் திரைப்படம் 2 வது வாரத்தில் 500 திரையரங்குகளில். ஒளிபரப்பாகி இருக்கிறது. சர்தார் பட விமர்சனங்கள் அமோகமாக வர அதிக திரையரங்குகளில் சர்தார் ஒளிபரப்பாகி இருக்கிறது. இந்த திரைப்படம் ரூ.40 கோடி பட்ஜெட்டில் உருவாகி இருக்கிறது. தற்போது உலகம் முழுவதும் ரூ.85 கோடி வரை வசூலித்து லாபத்தில் படம் சென்று கொண்டிருக்கிறது.