தமிழ் சினிமாவில் 2019 ஆம் ஆண்டு வெளியான கோமாளி படத்தின் மூலம் இயக்குனராக அறிமுகமானவர் பிரதீப் ரங்கநாதன். இவர் தற்போது லவ் டுடே படத்தை இயக்கியுள்ளார். இப்படத்தை ஜிஎஸ் என்டர்டெயின்மெண்ட் நிறுவனம் தயாரித்து உள்ளது. பிரதீப் ரங்கநாதன் கதாநாயகன் நடிக்கும் இப்படத்தில் சத்யராஜ், ராதிகா, யோகி பாபு, ரவீனா மற்றும் ஆதித்யா கதிர் உள்ளிட்ட பலர் நடித்துள்ளனர்.
இப்படத்தில் யுவன் சங்கர் ராஜா இசையமைத்துள்ளார். இந்த திரைப்படம் கடந்த 4 ஆம் தேதி வெளியாகி மக்கள் மத்தியில் மாபெரும் வரவேற்பை பெற்று உள்ளது. விமர்சன ரீதியாக மட்டுமில்லாமல் வசூல் ரீதியாகவும் லவ் டுடே படம் சாதனை படைத்துள்ளது. இந்நிலையில் இந்த படம் வெளிவந்து 9 நாட்கள் முடிவடைந்துள்ள நிலையில் தமிழகத்தில் மட்டுமே ரூ.33 கோடிக்கு வசூல் செய்துள்ளது என்று தகவல் வெளியாகி உள்ளது.