தமிழ் சினிமாவில் பிரபல இயக்குனராக வலம் வருபவர் அட்லி. இவர் இயக்கத்தில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. தற்போது இவர் ஹிந்தியில் ஷாருக்கானை வைத்து ‘ஜவான்’ படத்தை இயக்கி வருகிறார். இந்த படம் அடுத்த ஆண்டு ஜூன் 2ம் தேதி ரிலீசாக உள்ளது.
இதனையடுத்து, நடிகர் விஜய் நடிப்பில் இவர் இயக்கத்தில் வெளியான தெறி, மெர்சல், பிகில் ஆகிய படங்கள் வசூல் ரீதியாகவும், விமர்சன ரீதியாகவும் நல்ல வரவேற்பு பெற்றது. இதனைதொடர்ந்து தளபதி 68வது படத்தையும் அட்லி இயக்குவதாக தகவல் வெளியாகியுள்ளது. மேலும், இந்த படத்தை 400 கோடி பட்ஜெட்டில் இயக்க இருப்பதாகவும் கூறப்படுகிறது.