தமிழ் திரையுலகில் பிரபலமான இயக்குனராகவும், தயாரிப்பாளராகவும் புகழ் பெற்றவர் இயக்குனர் மணிரத்னம். இவர் தற்போது கல்கியின் புகழ்பெற்ற “பொன்னியின் செல்வன்” நாவலை அடிப்படையாகக் கொண்டு பொன்னியின் செல்வன்-1 திரைப்படத்தை இயக்கியுள்ளார். இந்த திரைப்படத்தில் முன்னணி திரை பிரபலங்கள் பலர் நடித்துள்ளனர். இந்தத் திரைப்படம் நேற்று திரையரங்குகளில் வெளியாகி பெரும் வரவேற்பை பெற்று வருகிறது.
இந்நிலையில் திரை பிரபலங்கள் பொன்னியின் செல்வன் படக்குழுவினர்களுக்கு வாழ்த்துக்கள் தெரிவித்து வருகின்றனர். அதன்படி மீனா தனது இன்ஸ்டாகிராமில், பொன்னியின் செல்வன் படத்தில் உள்ள நந்தினி கேரக்டரில் நடிக்க வேண்டும் என்பது எனது நீண்ட நாள் ஆசை. நந்தினி கேரக்டரில் நடிக்க ஐஸ்வர்யாவுக்கு வாய்ப்பு கிடைத்தது எனக்கு மிகவும் பொறாமையாக உள்ளது. முதல் முறையாக அவரை பார்த்து நான் பொறாமை பட்டுள்ளேன். மேலும் படக்குழுவினர் அனைவருக்கும் தனது வாழ்த்துக்களை தெரிவித்துக் கொள்கிறேன்” என்று தெரிவித்துள்ளார்.