தமிழகம் உட்பட ஐந்து மாநிலங்களில் சட்டமன்ற தேர்தல் நடக்க இருக்கிறது. இந்நிலையில் தமிழகத்தில் ஏப்ரல் 6-ஆம் தேதி சட்டமன்ற தேர்தல் நடக்கும் என்று நேற்று தலைமை தேர்தல் ஆணையர் சுனில் அரோரா தெரிவித்தார். இதையடுத்து அரசியல் கட்சிகள் தங்களுடைய தேர்தல் பிரச்சாரத்தை தொடங்கி வருகின்றன. மேலும் கூட்டணி குறித்தும் ஒரு சில கட்சிகளில் பேச்சுவார்த்தை நடைபெற்று வருகிறது. இதனால் அரசியல் களம் சூடு பிடித்துள்ளது.
இந்நிலையில் சரத்குமார் கமலுடன் கூட்டணி அமைந்துள்ளதாக தகவல் வெளியாகியுள்ளது. குறித்து சரத்குமார் கூறுகையில், “நல்ல எண்ணங்கள் கொண்டவர்கள் இணைந்தால் நன்றாக இருக்கும் என்று கமல் கூறியதன் காரணமாக சிறப்பான கூட்டணியை உருவாக்க அவருடன் ஆலோசனை நடத்தினேன்” என்று தெரிவித்துள்ளார். மேலும் எங்கள் கூட்டணி வெற்றி பெற்ற பிறகு முதல்வர் யார் என்பது குறித்து பேசி முடிவெடுக்கப்படும். மக்களுக்கு நல்லது செய்ய அரசியலுக்கு வந்துள்ளேன் என்று தெரிவித்துள்ளார்.