காஷ்மீரில் பாதுகாப்பு படையினருக்கும் பயங்கரவாதிகளுக்கும் இடையே துப்பாக்கிச்சூடு நடைபெற்று வருவதால் அப்பகுதியில் பெரும் பதற்றம் நிலவி வருகிறது.
ஜம்மு காஷ்மீரில் ஸ்ரீநகர் மாவட்டத்தில் உள்ள கான்மோஹ் பகுதியில் சில பயங்கரவாதிகள் பதுங்கியிருப்பதாக பாதுகாப்பு படையினர் மற்றும் போலீசாருக்கு ரகசிய தகவல் கிடைத்துள்ளது. இத்தகவலின்படி பாதுகாப்பு படையினர் மற்றும் காஷ்மீர் போலீசார் இணைந்து பயங்கரவாத ஒழிப்பு நடவடிக்கையில் ஈடுபட்டு வருகின்றனர். இந்நிலையில் இன்று பாதுகாப்பு படையினர் கான்மோஹ் பகுதியில் தீவிர தேடுதல் வேட்டையில் ஈடுபட்டுள்ளனர்.
இதனையடுத்து அங்கு பதுங்கியிருந்த பயங்கரவாதிகள் சிலர் பாதுகாப்பு படையினரை நோக்கி துப்பாக்கிச்சூடு நடத்தியுள்ளனர். இதனை தொடர்ந்து பாதுகாப்பு படையினர் அந்த பகுதியை சுற்றிவளைத்து பயங்கரவாதிகளுக்கு எதிராக துப்பாக்கிசூடு நடத்திவருகின்றனர். மேலும் இரு தரப்பினரிடையே துப்பாக்கிச்சூடு நடை பெறுவதால் அப்பகுதியில் பெரும் பதற்றம் நிலவி வருகிறது. இந்நிலையில் பயங்கரவாதிகளை பிடிப்பதற்கான அனைத்து முயற்சிகளையும் பாதுகாப்பு படையினர் மேற்கொண்டு வருகின்றனர்.