அதிமுக கட்சியின் மாவட்ட செயலாளர் கூட்டம் தொடங்கி நடைபெற்று வருகின்றது.
நாடாளுமன்ற தேர்தல் 7 கட்டமாக நடைபெறுமென்று தேர்தல் ஆணையம் அறிவித்தது . தமிழகத்தில் இரண்டாம் கட்ட வாக்குபதிவில் ஏப்ரல் 18_ஆம் தேதி வாக்குப்பதிவு நடைபெறுகின்றது . நாடாளுமன்ற வாக்குப்பதிவு நடைபெறும் போதே தமிழகத்தில் 18 சட்டப்பேரவை தொகுதிகளுக்கான இடை தேர்தல் வாக்குப்பதிவு நடைபெறுமென அறிவிக்கப்பட்டுள்ளது . இதனால் தமிழகத்தில் அரசியல் கட்சிகள் தேர்தல் பணிகள் சூடுபிடித்து உள்ளது .
தமிழகத்தில் அதிமுக தலைமையில் அதிமுக 20 , பாஜக 5 , பாமக 7 , தேமுதிக 4 , புதிய தமிழகம் 1 , புதிய நீதி கட்சி 1 , தமாக 1 , N,.R காங்கிரஸ் ( புதுச்சேரி ) தொகுதியிலும் போட்டியிடுகின்றது. சென்னையில் உள்ள கிரவுண்ட் பிளாசா தனியார் ஹோட்டலில் அதிமுக ஒருங்கிணைப்பாளர் ஓ.பன்னீர்செல்வம் கூட்டணி கட்சிகள் போட்டியிடும் தொகுதி பட்டியலை வெளியிட்டார்.
இந்நிலையில் இன்று அதிமுக_வின் மாவட்ட செயலாளர் கூட்டம் அக்கட்சியின் தலைமையகத்தில் நடைபெற்று வருகின்றது . அதிமுக ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிச்சாமி ஆகியோர் பங்கேற்கும் இந்த கூட்டத்தில் அதிமுக சார்பில் போட்டியிடும் வேட்பாளர்கள் யார் யார் என்று முடிவெடுக்கப்பட்டு தேர்தல் பணிகளை செய்வது குறித்து விவாதிக்கப்பட இருக்கின்றது. இந்த கூட்டம் முடிந்து மாலையில் அதிமுக வேட்பாளர்கள் பட்டியல் வெளியாகும் என்று எதிர்பார்க்கப்படுகின்றது .