“துணிவு” திரைப்படத்தின் அப்டேட் கேட்டு அஜித் ரசிகர்கள் கொடுத்த அதிர்ச்சி.
இயக்குனர் எச். வினோத் இயக்கத்தில் நடிகர் அஜித் நடித்து வெளியான வலிமை படத்தின் அப்டேட் கேட்டு அவரது ரசிகர்கள் மிகப்பெரிய கலாட்டா செய்தார்கள். பிரதமர் மோடி சென்னை வந்திருந்தபோது அவரது கார் செல்லும் சாலையோரம் நின்றுகொண்டு அவரை நோக்கி, வலிமை அப்டேட் என்று பதாகைகளை காண்பித்தார்கள். அதன் பிறகு கிரிக்கெட் ஸ்டேடியம் மற்றும் வானதி சீனிவாசன் உள்ளிட்ட சில அரசியல் பிரமுகர்களிடமும் சோசியல் மீடியாவில் வலிமை அப்டேட் கேட்டு பரபரப்பை ஏற்படுத்தி வந்தார்கள்.
இந்நிலையில் தற்போது அஜித் நடித்துள்ள “துணிவு” பொங்கலுக்கு திரைக்கு வருவதாக கூறப்படும். இது குறித்த அதிகாரப்பூர்வ தகவல் தயாரிப்பாளர் தரப்பிலிருந்து இன்னும் வெளியிடப்படவில்லை. இதன் காரணமாகவே அத்திரைப்படம் குறித்த அப்டேட் கேட்டு சோசியல் மீடியாவில் அஜித் ரசிகர்கள் கேள்வி எழுப்பி வருகின்றார்கள். இந்த நேரத்தில் புதுச்சேரியை சேர்ந்த ஒரு அஜித் ரசிகர், “ஏகே 61” அப்டேட் என்று தனது கையில் பிளேடால் எழுதி அதனை பகிர்ந்திருக்கின்றார். இந்த புகைப்படம் சோசியல் மீடியாவில் வைரலாகி வருகின்றது. ரசிகர்களின் இது போன்ற செயலை அஜித்குமார் விரும்புவதில்லை என்பதால் அந்த பதிவை அஜித் ரசிகர்கள் தற்போது நீக்கியுள்ளார்கள் என்பது குறிப்பிடத்தக்கது.