துணிவு திரைப்படத்திற்கு பின் அஜித் நடிப்பில் உருவாக இருக்கும் படம் “ஏகே 62”. இந்த படத்தை விக்னேஷ் சிவன் இயக்குகிறார். லைக்கா நிறுவனம் தயாரிக்கும் இந்த படத்துக்கு அனிருத் இசையமைக்கிறார். இந்த திரைப்படத்தின் ப்ரீ புரொடக்ஷன் வேலைகள் தற்போது நடந்து வருகிறது. இதனிடையில் அஜித்துக்கு வில்லனாக இந்த படத்தில் நடிக்கபோவது யார் என்ற கேள்வி ரசிகர்கள் மனதில் எழுந்து உள்ளது.
விஜய் சேதுபதிதான் வில்லன் என தகவல் வெளியான நிலையில், அது உண்மையில்லை என விஜய்சேதுபதியே தெரிவித்து விட்டார். இந்நிலையில் இந்த படத்தில் தனுஷ் வில்லனாக நடிக்கபோவதாக கோலிவுட் வட்டாரத்தில் பேசப்படுகிறது. எனினும் அவர் இந்த படத்தில் வில்லனாக நடிக்கவில்லை எனவும், அவர் கேமியோ ரோலில்தான் நடிக்கிறார் எனவும் மற்றொருபுறம் கூறப்படுகிறது.