நடிகர் அஜித்தின் AK62 படத்தை விக்னேஷ் சிவன் இயக்க உள்ளதாக தகவல் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் நடிகர் அஜித். இயக்குனர் வினோத் இயக்கத்தில் இவர் நடிப்பில் சமீபத்தில் வெளியான திரைப்படம் ”வலிமை”. இந்த திரைப்படம் ரசிகர்கள் மத்தியில் நல்ல வரவேற்ப்பை பெற்று 200 கோடிக்கு மேல் வசூலித்துள்ளதாக கூறப்படுகிறது. இதனையடுத்து இவர் தனது 61 வது படத்தை இயக்குனர் எச் வினோத் தான் இயக்க இருக்கிறார். மேலும், இவர் அடுத்ததாக விக்னேஷ் சிவன் இயக்கத்தில் லைக்கா நிறுவனம் தயாரிப்பில் AK62 படத்தில் நடிக்க விருக்கிறார். இந்த படத்தில் அனிருத் இசையமைக்கிறார்.
இதனைத் தொடர்ந்து இப்படத்தின் படப்பிடிப்பு இந்த ஆண்டு இறுதியில் தொடங்கப்பட உள்ள நிலையில் தற்போது படத்தின் கதை சமூக வலைத்தளங்களில் வைரலாகி வருகிறது. அதாவது ஊருக்கே சாப்பாடு போடும் விவசாய குடும்பத்தில் பிறந்த அஜித் ஹோட்டல் ஒன்றை ஆரம்பித்து கொடி கட்டி பறக்கிறார். இதனால் பாதிக்கப்படும் கார்ப்பரேட் வில்லன்கள் ஹீரோவை பழி வாங்குகிறார்கள். இந்த பிரச்சனையில் இருந்து அஜித் எப்படி மீண்டும் வருகிறார் என்பது ஏகே 62 படத்தின் கதையாகும்.
இதே கதையை மையமாக வைத்து ஷங்கர் இயக்கத்தில் ரஜினி நடிப்பில் எடுக்கப்பட்ட சிவாஜி திரைப்படம் மிகப்பெரிய அளவில் வெற்றியடைந்தது. அதேபோல் அஜித் வைத்து விக்னேஷ் சிவன் இயக்கி உள்ள இந்தப் படமும் ஹிட் அடிக்கும் என ரசிகர்கள் கருத்து தெரிவித்து வருகின்றனர். இருப்பினும் இதெல்லாம் புரளி ஏற்றுக் படத்தின் கதை இது இருக்காது என்றும் ரசிகர்கள் கமெண்ட் செய்து வருகின்றனர்.