சட்டவிரோதமாக மது விற்பனை செய்த இரண்டு பேரை காவல்துறையினர் கைது செய்துள்ளனர்.
மதுரை மாவட்டத்திலுள்ள வில்லூர் காவல்துறையினர் கோபாலபுரம் பகுதியில் ரோந்து பணியில் ஈடுபட்டுக் கொண்டிருந்தனர். அந்த சமயத்தில் பிச்சம்பட்டி கிராமத்தைச் சேர்ந்த நடராஜன் என்பவர் சட்டவிரோதமாக மது விற்பனை செய்துள்ளார். இதனை கண்காணித்த காவல்துறையினர் அவரை கைது செய்துள்ளனர். மேலும் அவரிடம் இருந்த 46 மது பாட்டில்களையும் பறிமுதல் செய்துள்ளனர்.
இதேபோல் புளியங்குளம் கிராமத்தை சேர்ந்த மாரிசாமி என்பவரும் சட்டவிரோதமாக மதுவை விற்பனை செய்துள்ளார். இதுகுறித்து தகவல் அறிந்ததும் காவல்துறையினர் அந்த இடத்திற்கு விரைந்து சென்று அவரை கைது செய்து அவரிடம் இருந்த 24 மது பாட்டில்களையும் பறிமுதல் செய்துள்ளனர்.