சாராயம் காச்சுவதற்காக ஊறலை பதுக்கி வைத்திருந்த வாலிபரை காவல்துறையினர் கைது செய்துள்ளனர்.
கள்ளக்குறிச்சி மாவட்டத்தில் உள்ள வனப்பகுதியில் மர்ம நபர்கள் சாராயம் காய்ச்சுவதற்காக ஊறலை பதுக்கி வைத்திருப்பதாக அம்மாவட்ட காவல்துறை அதிகாரிகளுக்கு ரகசிய தகவல் கிடைத்ததுள்ளது. அந்த தகவலின் படி காவல்துறையினர் அந்த வனப்பகுதிக்கு விரைந்து சென்று சோதனையில் ஈடுபட்டனர். இந்நிலையில் 600 லிட்டர் சாராய ஊறலை நாராயணபட்டி வனப்பகுதியில் உள்ள ஓடையில் வைத்திருந்ததை காவல்துறையினர் கண்டுபிடித்தனர்.
இதனை அடுத்து அந்த கிராமத்தில் வசிக்கும் தர்மன் என்பவரின் மகனான வீரனை சாராய ஊறலை பதுக்கி வைத்த குற்றத்திற்காக காவல்துறையினர் கைது செய்து விசாரணை நடத்தி வருகின்றனர். மேலும் சின்னதிருப்பதி வனப்பகுதியில் வைத்திருந்த 600 லிட்டர் சாராய ஊறல் மற்றும் கொடமாத்தி ஓடையில் வைத்திருந்த 1000 லிட்டர் சாராய ஊறல் போன்றவற்றை காவல்துறையினர் கண்டுபிடித்து கீழே ஊற்றி அழித்துவிட்டனர்.