2022-ஆம் ஆண்டு ஜனவரி 1-ம் தேதி முதல் அமேசான் ப்ரைமில் கிரிக்கெட் போட்டிகள் நேரலை ஒளிபரப்பு செய்யப்படும் என அறிவிக்கப்பட்டுள்ளது.
அமேசான் பிரைம் வீடியோ கடந்த 2020 -ஆம் ஆண்டு நவம்பர் மாதம் கிரிக்கெட் வாரியம் ஒன்றிடம் இருந்து லைவ் கிரிக்கெட் ஒளிபரப்பும் உரிமையை பெற்றது. அதன்படி பல ஆண்டுக்கான இந்த ஒப்பந்தத்தின்படி நியூசிலாந்து நடைபெறும் 3 வடிவிலான சர்வதேச ஆண்கள் மற்றும் மகளிர் கிரிக்கெட் போட்டிகளை லைவாக அமேசான் பிரைம் வீடியோவில் காணமுடியும் .
இந்த நிலையில் வருகிற 2022-ஆம் ஆண்டு ஜனவரி மாதம் 1-ம் தேதி அமேசான் பிரைம் வீடியோவில் கிரிக்கெட் போட்டிகள் நேரடி ஒளிபரப்பு செய்யப்படும் என அறிவிக்கப்பட்டுள்ளது. இதில் முதல் போட்டியாக நியூசிலாந்து – வங்கதேச அணிகளுக்கு இடையேயான டெஸ்ட் போட்டி நேரலையில் ஒளிபரப்பு செய்யப்பட உள்ளது .இதனால் ப்ரைம் வீடியோவில் உறுப்பினர்களாக இருப்பவர்கள் இப்போட்டியை லைவாக காண அனுமதிக்கப்படும்.