உலக கோடீஸ்வரர்கள் பட்டியலில் இருந்து முகேஷ் அம்பானி பின்னடைவை சந்தித்துள்ளார் என்று தகவல் வெளியாகியுள்ளது.
உலக கோடீஸ்வரர்கள் பட்டியலை புளும்பெர்க் நிறுவனம் வெளியிட்டுள்ளது. இதில் ரிலையன்ஸ் இண்டஸ்டிரிஸ் உரிமையாளர் முகேஷ் அம்பானி 11வது இடத்திற்கு தள்ளப்பட்டுள்ளார் என வெளியிடப்பட்டுள்ளது. இதற்கு முன் 4வது இடத்தில் இருந்த முகேஷ் அம்பானி, தற்போது 11வது இடத்திற்கு சரிவை சந்தித்துள்ளார். இதற்கு கரணம் அவரது ரிலையன்ஸ் பங்குகள் மதிப்பு குறைந்தது தான் என்று கூறப்படுகின்றது.
முகேஷ் அம்பானியின் மொத்த சொத்து மதிப்பு 6, 62, 000 கோடி ரூபாயில் இருந்து 5, 63, 000 கோடி ரூபாயாக சரிவடைந்துள்ளதாக புளும்பெர்க் நிறுவனம் வெளியிட்டுள்ள பட்டியலில் தெரிவிக்கப்பட்டுள்ளது. மேலும் இந்த கோடீஸ்வரர்கள் பட்டியலில் அமேசான் நிறுவனத்தின் தலைவர் ஜெஃப் பெசாஸ் 1 வது இடத்திலும், கூகுள் இணை நிறுவனர் செர்ஜே பிரின் 9வது இடத்திலும், 10வது இடத்தில் ஆரக்கிள் நிறுவனத்தின் நிறுவனர் லாரி எலிசனும் இடம்பெற்றுள்ளதாக குறிப்பிட்டுள்ளது.