ஆம்புலன்ஸில் நீண்ட நேரமாய் காத்திருந்த நோயாளிகள்…. படுக்கை வசதி கிடைக்காததால் அவதி…. நெல்லையில் நடந்த சம்பவம்….!!

நெல்லை அரசு மருத்துவமனையில் படுக்கை வசதி கிடைக்காததால் கொரோனா நோயாளிகள் ஆம்புலன்சிலேயே நீண்ட நேரமாக காத்திருந்தனர்.

திருநெல்வேலி மாவட்டம் பாளையங்கோட்டையிலிருக்கும் அரசு மருத்துவமனையில் சுமார் 1000 த்திற்கும் மேலான நோயாளிகள் சிகிச்சை பெற்று வருகின்றனர். இதிலும் 800 படுக்கைகள் நோயாளிகளுக்கு ஆக்சிஜன் கிடைக்கப் பெறும் வகையில் அமைந்துள்ளது. இந்நிலையில் கொரோனா உறுதியான நோயாளிகள் அந்தந்த இடங்களிலிருந்து ஆம்புலன்ஸ் மூலம் அரசு மருத்துவமனைக்கு அழைத்து வரப்பட்டுள்ளனர். ஆனால் மருத்துவமனையில் படுக்கை வசதி உடனடியாக கிடைக்காததால் நோயாளிகள் நீண்ட நேரமாக ஆம்புலன்ஸிலேயே காத்திருந்தனர்.