அமெரிக்காவின் விருந்து நிகழ்ச்சியில் அடையாளம் தெரியாத நபர் நடத்திய துப்பாக்கி சூட்டில் 2 பேர் உயிரிழந்துள்ளனர்.
அமெரிக்காவின் கலிபோர்னியா மாகாணத்தில் உள்ள சேக்ரமெண்டோ நகரில் நள்ளிரவில் நடந்த விருந்து நிகழ்ச்சியில் நூற்றுக்கும் மேற்பட்டோர் கலந்து கொண்டனர். இந்த நிலையில், அதிகாலை 1 மணி அளவில், விருந்து நிகழ்ச்சியில் திடீரென துப்பாக்கி சூடு நடத்தப்பட்டது.
இந்த துப்பாக்கி சூட்டில் 2 பேர் உயிரிழந்தனர், மேலும் 5 பேர் படுகாயம் அடைந்துள்ளனர். இது குறித்து தகவல் அறிந்து சம்பவ இடத்திற்கு விரைந்து சென்ற அதிகாரிகள் காயம் அடைந்தவர்களை மீட்டு சிகிச்சைக்காக மருத்துவமனையில் அனுமதித்தனர்.
மேலும், இந்த சம்பவம் குறித்த அதிகாரப்பூர்வ அறிவிப்பை சேக்ரமெண்டோ கவுண்டியின் ஷெரீப் உறுதிப்படுத்தி உள்ளார். இதனை தொடர்ந்து, துப்பாக்கி சூடு நடத்தப்பட்டதின் காரணம் தொடர்பான தகவல்கள் ஏதும் உடனடியாக வெளிவரவில்லை. அதோடு சந்தேகிக்கும் வகையிலும் எந்த விபரமும் தெரியவில்லை என்பதால் போலீசார் தீவிர விசாரணை நடத்தி வருகின்றனர்.