காஷ்மீர் சிறப்பு அந்தஸ்து ரத்து செய்யப்பட்டதை தொடர்ந்து உள்துறை அமைச்சர் அமித்ஷா தலைமையில் உயர்மட்ட ஆலோசனை நடைபெற்றது.
ஜம்மு காஷ்மீர் சிறப்பு அந்தஸ்து சட்டப்பிரிவு 370 ரத்து செய்த மத்திய அரசு அம்மாநிலத்தை இரண்டு யூனியன் பிரதேசங்களாக பிரித்தது.இதனையடுத்து காஷ்மீர் விவகாரம் இந்தியா பாகிஸ்தான் இடையே பதற்றமான சூழ்நிலை காணப்படுகிறது. எல்லையில் தொடர்ந்து அத்துமீறி வரும் பாகிஸ்தானுக்கு பாதுகாப்பு படை வீரர்களுக்கு இந்திய இராணுவத்தினர் பதிலடி கொடுத்து வருகின்றனர்.
இந்த நிலையில் மத்திய உள்துறை அமைச்சர் அமித் ஷா தலைமையில் டெல்லியில் இன்று உயர்மட்ட ஆலோசனை நடைபெற்றது .இந்த ஆலோசனை கூட்டத்தில் தேசிய பாதுகாப்பு ஆலோசகர் அஜித் தோவல் , உள்துறைச் செயலாளர் ஏ கே பல்லா மற்றும் உளவுத்துறை அதிகாரிகள் கலந்து கொண்டனர். இதில் அடுத்தகட்ட நடவடிக்கை குறித்தும் ஆலோசிக்கப்பட்டது.