அமித்ஷா டெல்லியில் தேசிய பாதுகாப்பு ஆலோசகர் அஜித் தோவலுடன் ஆலோசனை நடத்தி வருவதாக தகவல் வெளியாகியுள்ளது.
மத்திய அரசின் வேளாண் சட்டங்களை எதிர்த்து டெல்லியில் விவசாயிகள் போராடி வருகின்றனர். மேலும் வேளாண் சட்டங்களை மத்திய அரசு திரும்ப திரும்ப பெறும் வரையிலும் போராட்டம் தொடரும் என்று விவசாயிகள் தெரிவித்துள்ளனர். இந்நிலையில் விவசாயிகளுக்கு ஆதரவாக உலக நாடுகளை சேர்ந்தவர்களும் தங்களுடைய கருத்துக்களை தெரிவித்து வருகின்றனர். இதையடுத்து உலக அளவில் புகழ்பெற்ற அமெரிக்க இளம் சுற்றுச்சூழல் ஆய்வாளரான கிரெட்டா தன்பெர்க் உள்ளிட்ட பலரும் கருத்து தெரிவித்து வருகின்றனர்.
இந்நிலையில் டெல்லியில் தேசிய பாதுகாப்பு ஆலோசகர் அஜித் தோவல் உடன் அமித்ஷா ஆலோசனை நடத்தி வருகிறார். இந்த ஆலோசனையில் புலனாய்வுத் துறை மற்றும்”ரா” பிரிவு தலைவர், டெல்லி காவல் ஆணையர் உள்ளிட்ட முக்கிய அதிகாரிகள் பங்கேற்றுள்ளனர். விவசாயிகள் போராட்டம் உலகளவில் கவனம் பெற்றதையடுத்து முக்கிய முடிவு எடுப்பதற்காக இந்த ஆலோசனைக் கூட்டம் நடைபெறுகிறது.