தென் ஆப்பிரிக்காவில் ஆத்திரமடைந்த ஒரு யானை, வாகனம் ஒன்றை தலைகீழாகப் புரட்டிப் போட்ட சம்பவம் பெரும் அதிர்ச்சியை ஏற்படுத்தியுள்ளது.
தென் ஆப்பிரிக்க நாட்டில் இருக்கும் Isimangaliso Wetland என்ற பூங்காவிற்கு ஒரு குடும்பம் வாகனத்தில் வந்திருக்கிறது. அந்த வாகனத்திலேயே அவர்கள் பூங்காவை சுற்றிப் பார்த்துள்ளனர். அப்போது, அதிக கோபத்துடன் அவர்களின் எதிரில் ஒரு யானை வந்திருக்கிறது. திடீரென்று அந்த யானை அந்த வாகனத்தை தலைகீழாக புரட்டிப் போட்டது.
இதில், வாகனத்திலிருந்த தம்பதி மற்றும் அவர்களின் இரண்டு குழந்தைகளும் அலறினார்கள். எனினும், அந்த யானை, வாகனத்தை கால்பந்து போன்று விளையாடி புரட்டிப் போட்டது. இதனை பார்த்த மற்றொரு வாகனத்தில் இருந்த நபர், அதிக சத்தத்துடன் ஹாரன் ஒலி எழுப்பி அந்த யானையின் கவனத்தை திசை திருப்பினார். அதன் பின்பு, அந்த யானை அங்கிருந்து புறப்பட்டது. நல்ல வேலையாக அந்த வாகனத்தில் இருந்தவர்கள் எந்த பாதிப்புமின்றி உயிர் பிழைத்தனர்.