அண்ணனை கல்லால் தாக்கி கொலை செய்த தம்பியை காவல்துறையினர் கைது செய்துள்ளனர்.
சேலம் மாவட்டத்திலுள்ள முத்தாம்பட்டி பகுதியில் மணியன் என்பவர் வசித்து வருகிறார். இவருக்கு சிவகேசன், வெங்கடேசன் என்ற 2 மகன்கள் உள்ளனர். இதில் மூத்த மகன் சிவகேசனுக்கு 3 மனைவிகள் உள்ளனர். இதில் முதல் மனைவி சத்யா இறந்து விட்டார். இதனையடுத்து பாண்டியம்மா, ராதா ஆகியோரை திருமணம் செய்து கொண்டுள்ளார். இதில் முதல் மனைவி சத்யாவிற்கு 13 வயதில் மகளும், 10 வயதில் மகனும் உள்ளனர். இதில் வெங்கடேசனுக்கு மனைவி மற்றும் 2 மகன்கள் உள்ளனர். இந்நிலையில் அண்ணன் தம்பி இருவரும் அருகருகே வீட்டில் வசித்து வருகின்றனர். இதனையடுத்து சிவகேசன் மது அருந்திவிட்டு தம்பி வெங்கடேசனிடம் தகராறில் ஈடுபட்டு வந்துள்ளார்.
கடந்த 22-ஆம் தேதி மதுபோதையில் வீட்டிற்கு வந்த சிவகேசன் வெங்கடேசனிடம் தகராறில் ஈடுபட்டுள்ளார். இதனால் அவர்களுக்கிடையே மோதல் ஏற்பட்டு 2 பேரும் ஒருவரை ஒருவர் தாக்கி கொண்டனர். இதில் ஆத்திரமடைந்த வெங்கடேசன் சிவகேசன் தலையில் கல்லால் குத்தியுள்ளார். இதில் பலத்த காயமடைந்த உறவினர்கள் சிவகேசனை உடனடியாக மீட்டு மேட்டூர் அரசு மருத்துவமனைக்கு சிகிச்சைக்காக அனுமதித்தனர். அதன்பின் மேல் சிகிச்சைக்காக சேலம் அரசு மருத்துவமனையில் சிகிச்சைக்காக அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி சிவகேசன் பரிதாபமாக உயிரிழந்தார். மேலும் இதுகுறித்து கொலை வழக்கு பதிவு செய்த காவல்துறையினர் வெங்கடேசனை கைது செய்துள்ளனர்.