நயன்தாரா நடிக்கும் புதிய படத்தின் ஃபர்ஸ்ட் லுக் போஸ்டரை படக்குழுவினர் வெளியிட்டுள்ளனர்.
நயன்தாரா தமிழ் திரையுலகில் லேடி சூப்பர் ஸ்டாராக வலம் வருபவர். இன்று தனது பிறந்தநாளை கொண்டாடி வரும் இவருக்கு திரையுலக பிரபலங்கள் மற்றும் ரசிகர்கள் வாழ்த்துக்களை தெரிவித்து வருகின்றனர். இதனையடுத்து, இவரின் பிறந்தநாளான இன்று இவருடைய புதிய படம் குறித்த அறிவிப்பு வெளியாகி இருக்கிறது.
அஸ்வின் சரவணன் இயக்கும் இந்த படத்திற்கு ”கனெக்ட்” என பெயர் வைத்திருக்கின்றனர். இந்த படத்தின் ஃபர்ஸ்ட் லுக் போஸ்டரை படக்குழுவினர் வெளியிட்டுள்ளனர். ரசிகர்களின் கவனத்தை ஈர்க்கும் இந்த பர்ஸ்ட் லுக் போஸ்டர் இணையத்தில் வைரலாகி வருகிறது.