கட்டிட காண்டிராக்டரை கொலை செய்த குற்றவாளியை காவல்துறையினர் கைது செய்துள்ளனர்.
திருநெல்வேலி மாவட்டத்தில் உள்ள தாழையூத்து பகுதியில் கட்டிட காண்டிராக்டரான கண்ணன் என்பவர் வசித்து வந்துள்ளார். கடந்த ஜூலை 12 – ஆம் தேதியன்று கண்ணனை மர்ம கும்பல் சரமாரியாக அரிவாளால் தாக்கி சென்றுள்ளனர். இது குறித்து வழக்குப்பதிவு செய்த காவல்துறையினர் குற்றவாளிகளை வலைவீசி தேடி வந்துள்ளனர்.
அதன்பிறகு வாகைக்குளம் பகுதியில் வசிக்கும் நல்லமுத்து, சங்கிலிபூதத்தார், குரு சச்சின் உள்ளிட்ட 7 பேரை காவல்துறையினர் கைது செய்துள்ளனர். இந்நிலையில் மேலும் இந்த கொலை வழக்கில் தொடர்புடைய சிவந்திப்பட்டி கிராமத்தில் வசிக்கும் அதிசயபாண்டியன் என்பவரை காவல்துறையினர் கைது செய்து தீவிர விசாரணை மேற்கொண்டு வருகின்றனர்.