தமிழகத்தில் நடப்பு கல்வியாண்டில் அனைத்து கல்லூரிகளிலும் மாணவர் சேர்க்கை தொடங்கப்பட்ட தற்போது கலந்தாய்வு நடைபெற்று வருகிறது.இந்நிலையில் சென்னை பல்கலைக்கழகம் முக்கிய அறிவிப்பு ஒன்றை வெளியிட்டுள்ளது.அதாவது பல்கலைக்கழகத்தில் இளங்கலை பட்டப்படிப்பில் 2015 முதல் 2016 கல்வி ஆண்டிற்கு முன்பாக, முதுகலை பட்டப்படிப்பில் 2019 முதல் 2020 ஆம் கல்வியாண்டிற்கு முன்பாகவும் பயின்ற அரியர் வைத்த மாணவர்களுக்கு கூடுதல் வாய்ப்பு வழங்கப்படும் என தெரிவிக்கப்பட்டுள்ளது.
மேற்கண்ட கல்வி ஆண்டில் அரியர் வைத்துள்ள மாணவர்கள் வருகின்ற நவம்பர் மாதம் அல்லது 2023 ஆம் ஆண்டு மார்ச் மாதம் நடைபெற இருக்கும் பல்கலைக்கழக செமஸ்டர் தேர்வில் விண்ணப்பித்து பங்கேற்கலாம் என சென்னை பல்கலைக்கழகம் அறிவித்துள்ளது. இந்த அறிவிப்பு அரியர் வைத்துள்ள மாணவர்கள் மத்தியில் மகிழ்ச்சியை ஏற்படுத்தியுள்ளது.