உலக சுகாதார மையமானது, குரங்கு அம்மை நோய்க்கு புதிய பெயரை வைக்க ஆலோசித்து வருவதாக தெரிவிக்கப்பட்டுள்ளது.
ஆப்பிரிக்காவில் கண்டறியப்பட்ட குரங்கு அம்மை நோய் தற்போது உலக நாடுகளில் பரவி அச்சுறுத்தலை ஏற்படுத்தியிருக்கிறது. தற்போது வரை சுமார் 39 நாடுகளில் குரங்கு அம்மை நோய் பரவி இருப்பதாகவும் 3100 க்கும் அதிகமானோர் அந்த நோயால் பாதிப்படைந்திருப்பதாகவும், அதில் 72 பேர் பலியானதாகவும் தெரிவிக்கப்பட்டிருக்கிறது.
இந்நிலையில் உயிரியலாளர்கள் 29 பேரும், ஆய்வாளர்களும் இணைந்து இந்த குரங்கு அம்மைக்கு புதிதாக பெயர் வைக்க வேண்டும் என்று தெரிவித்திருக்கிறார்கள். அதனை தொடர்ந்து உலக சுகாதார மையமானது, நிபுணர்களுடன் சேர்ந்து குரங்கு அம்மை நோயின் பெயரை மாற்ற தீர்மானித்து, அது குறித்து ஆலோசித்து வருவதாக கூறப்படுகிறது.