லண்டனில் இருக்கும் கேம்பிரிட்ஜ் பல்கலைக்கழகத்தில் படிக்க நீலகிரி மாவட்டத்தை சேர்ந்த அனுபிரியா தேர்வாகியுள்ளார்.
நீலகிரி மாவட்டம் மஞ்சூர் அருகேயுள்ள தேனாடு கிராமத்தை சேர்ந்தவர் இந்திரன். ஓய்வு பெற்ற அரசு ஊழியரான இவருக்கு லட்சுமி என்ற மனைவி உள்ளார்.. லட்சுமி ஓய்வு பெற்ற தலைமை ஆசிரியை ஆவார். இவர்களுக்கு அனு பிரியா என்ற மகள் இருக்கிறார்.. 22 வயதுடைய அனு பிரியா கோவையிலுள்ள தனியார் என்ஜினீயரிங் காலேஜில் எலெக்ட்ரிக்கல் & எலெக்ட்ரானிக்ஸ் பட்டப்படிப்பு படித்து வருகின்றார்.
இந்நிலையில் இங்கிலாந்து நாட்டின் லண்டனில் இருக்கும் கேம்பிரிட்ஜ் பல்கலைக்கழகத்தில் 4 ஆண்டு ஆராய்ச்சி படிப்பு படிப்பதற்காக நுழைவுத்தேர்வு எழுதியிருந்தார். அதில், அனு பிரியா வெற்றி பெற்று, தேர்வாகியுள்ளார். நீலகிரி மாவட்டத்தில் இருந்து லண்டன் கேம்பிரிட்ஜ் பல்கலைக்கழகத்தில் மாணவி ஒருவர் படிக்க தேர்வாகியிருப்பது தமிழகத்திற்கு பெருமை சேர்க்கிறது.. இந்த மாணவிக்கு பலரும் பாராட்டுக்கள் தெரிவித்து வருகின்றனர்..