தமிழ் சினிமாவில் முன்னணி நடிகராக வலம் வருபவர் விஜய். நடிகர் விஜயை தளபதி என்று அழைக்கப்படுவர். தளபதி தற்போது தெலுங்கு இயக்குனர் வம்சி பைடி பள்ளி இயக்கத்தில் உருவாகி வரும் வாரிசு படத்தில் நடித்து வருகிறார். இந்தப் படம் அடுத்த ஆண்டுக்கு பொங்கல் பண்டிகைக்கு தமிழ், தெலுங்கு இரண்டு மொழிகளிலும் வெளியிடப் படக்குழு திட்டமிட்டுள்ளது. ஆனால் தெலுங்கில் வாரிசு படம் வெளியாக சிக்கல் எழுந்துள்ளது. இதற்கு பலரும் ஆதரவு தெரிவித்து வருகின்றனர்.
இந்நிலையில் நீண்ட இடைவேளைக்கு பிறகு நடிகர் விஜய் இன்று தன் ரசிகர்களை சந்திக்க உள்ளார். சென்னை பனையூர் இல்லத்தில் சேலம், நாமக்கல் விஜய் மக்கள் இயக்க நிர்வாகிகளை சந்திக்க உள்ளதாக செய்திகள் வெளியான நிலையில், ரசிகர்களையும் சந்திக்க உள்ளாராம். அதனை தொடர்ந்து நடிகர் விஜய் மாதம் ஒருமுறை ரசிகர்களை சந்திக்க திட்டமிட்டுள்ளதாக விஜய் மக்கள் இயக்க வட்டாரங்கள் தெரிவித்துள்ளனர். இதனால் விஜயின் ரசிகர்கள் மிகுந்த மகிழ்ச்சியில் உள்ளனர்.