தமிழ் சினிமாவில் முன்னணி நடிகராக வலம் வருபவர் கமல். இவர் தனக்கென்று தனி ரசிகர் பட்டாளத்தையே உருவாக்கியுள்ளார். இவர் நடிப்பில் சமீபத்தில் வெளியான விக்ரம் திரைப்படம் மாபெரும் ஹிட் அடித்தது. இந்த படத்தை தொடர்ந்து சங்கரின் இயக்கத்தில் இந்தியன் 2 திரைப்படத்தில் கமல் நடித்து வருகிறார். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இந்நிலையில் இந்தியன் 2 படத்திற்கு பிறகு கமல் வினோத் இயக்கத்தில் ஒரு படத்திலும், மணிரத்தினம் இயக்கத்தில் ஒரு படத்திலும் நடிப்பது உறுதியாகியுள்ளது. அதனைப் போல அவர் பல வருடங்களுக்கு முன் மருதநாயகம் என்ற பிரமாண்டமான படத்தை துவங்கினார்.
அந்த படத்தை அவரே நடித்து, தயாரித்து, இயக்கினார். ஆனால் ஒரு சில காரணங்களால் அந்த படம் பாதியில் நிறுத்தப்பட்டது. அதன் பிறகு ரசிகர்கள் மீண்டும் அந்த படத்தை எப்போது துவங்குவார்கள் என்று ஆர்வமாக இருந்தார்கள். இந்நிலையில் தற்போது கமல் மீண்டும் மருதநாயகம் திரைப்படத்தை துவங்க உள்ளதாக தகவல் வெளியாகியுள்ளது. ஆனால் இந்த முறை கமல் அந்தப் படத்தில் இயக்கம் மட்டும் செய்வாராம். கமலுக்கு பதிலாக சூர்யா அல்லது விக்ரம் நடிப்பார்கள் என்று கூறப்பட்டு வருகிறது. இந்த தகவலால் ரசிகர்கள் மிகுந்த மகிழ்ச்சியில் உள்ளனர்.