இந்தியா முழுவதும் தூய்மை இந்தியா என்ற திட்டம் அறிமுகப்படுத்தப்பட்டு முன்னெடுத்து செல்லப்படுகிறது. இந்த நிலையில் மத்திய பிரதேசத்தில் சிவராஜ் சிங் சவுகான் தலைமையிலான பாஜக ஆட்சி நடைபெற்று வருகிறது. இதில் ஆற்றல் துறை மந்திரியாக இருப்பவர் ரகுமான் சிங் சவுகான். இவர் குவாலியரில் உள்ள அரசு பள்ளியில் கழிவறையை நீரால் கழுவி சுத்தம் செய்துள்ளார். இதுபற்றி அவர் கூறுகையில், மாணவர் ஒருவர் என்னிடம் எங்களுடைய பள்ளியின் கழிவறைகள் தூய்மையாக இல்லை. இதனால் மாணவிகள் பல சிக்கல்களை சந்தித்து வருகின்றனர் என்று கூறியுள்ளார்.
அதனால் தூய்மை பணிக்காக 30 நாட்கள் உறுதிமொழியை எடுத்துக் கொண்டேன். அதன் படி ஒவ்வொரு நாளும் சில கல்வி மையத்திற்கு செல்வேன். தூய்மைப் பணியை மேற்கொள்வேன். அனைத்து மக்களுக்கும் தூய்மை பற்றிய தகவல் சென்று சேர வேண்டும் என்று நினைப்பேன். அதற்காக இந்த பணியை நான் செய்கிறேன். இதனால் தூய்மையாக இருப்பது பற்றி ஒவ்வொருவரும் ஊக்கம் பெறுவார்கள் என்று அவர் தெரிவித்துள்ளார். அவர் மக்கள் தூய்மையைக் கடைப்பிடிக்க வேண்டுமென கேட்டுக் கொண்டதுடன் பள்ளியை ஒவ்வொருநாளும் தூய்மையாக வைத்திருக்க நகராட்சி அதிகாரிகள் தொடர்ந்து அறிவுரைகள் வழங்கி வருகிறார்.