அர்ஜுன் தாஸ் நடிக்கும் புதிய படம் குறித்த அப்டேட் வெளியாகியுள்ளது.
தமிழ் சினிமாவில் பிரபல நடிகராக வலம் வருபவர் அர்ஜுன் தாஸ். இவர் விக்ரம், கைதி, மாஸ்டர் போன்ற படங்களில் நடித்து பிரபலமானவர். தற்போது இவர் இயக்குனர் வசந்தபாலன் இயக்கத்தில் ‘அநீதி’ படத்தில் நடிக்கிறார். இந்த படத்தில் இவருக்கு ஜோடியாக துஷாரா விஜயன் நடிக்கிறார்.
ஜி.வி பிரகாஷ் இசையமைக்கும் இந்த படத்தை அர்பன் பாய்ஸ் ஸ்டுடியோஸ் தயாரித்துள்ளது. இதைத் தொடர்ந்து தற்போது இவர் மகாமுனி, மௌனகுரு படத்தின் இயக்குனர் சாந்தகுமார் இயக்கத்தில் புதிய படத்தில் நடிக்கவுள்ளார்.
இந்த படத்தில் கதாநாயகியாக தான்யா ரவிச்சந்திரன் நடிக்கிறார். இந்த படத்தின் படப்பிடிப்பு பூஜையுடன் இன்று சென்னையில் தொடங்கியுள்ளது. அப்போது எடுக்கப்பட்ட புகைப்படம் இணையத்தில் வெளியாகி வைரலாகி வருகிறது.