பிரபல நடிகர் அர்ஜுன் மகேஷ்பாபுவுக்கு வில்லனாக நடிக்க இருக்கிறார் என்று தெரியவந்துள்ளது.
தெலுங்கு திரையுலகில் முன்னணி கதாநாயகனாக வலம் வரும் மகேஷ் பாபு தற்போது பரசுராம் பெட்லா இயக்கத்தில் “சர்க்காரு வாரி பாட்டா” எனும் திரைப்படத்தில் நடித்துவருகிறார். இப்படத்தில் மகேஷ்பாபுவுக்கு ஜோடியாக பிரபல தமிழ் நடிகை கீர்த்தி சுரேஷ் நடித்து வருகிறார். இப்படத்தின் முதற்கட்ட படப்பிடிப்பு நடந்து முடிந்த நிலையில் இரண்டாம் கட்ட படப்பிடிப்பு ஊரடங்கு தளர்த்தப் பட்டதும் நடைபெற உள்ளது.
இதற்கிடையில் இத்திரைப்படத்தில் யார் வில்லனாக நடிக்கப் போகிறார் என்பது குறித்த தகவல் வெளியாகியுள்ளது. அதன்படி இப்படத்தில் வில்லனாக பிரபல நடிகர் அர்ஜுன் நடிக்க இருக்கிறார் என்று தெரியவந்துள்ளது. இந்த கதை அர்ஜுனுக்கு மிகவும் பிடித்திருப்பதால் கொரோனா முடிவுக்கு வந்தபின் அவர் இப்படத்தில் கையெழுத்திட்டு ஒப்பந்தம் ஆவார் என்று கூறப்படுகிறது. இது குறித்து அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.