தமிழகத்துக்கு வந்தடைந்த ராணுவம் …. நொடிக்கு நொடி பதற்றம் …!!

நிவர் புயல் தீவிர புயலாக மாறி நில பரப்பை நோக்கி நகர்ந்து வருகிறது. இந்தப் புயலானது புதுச்சேரி மாநிலம் காரைக்கால், தமிழ்நாடு பகுதியான மாமல்லபுரம் இடையே கரையைக் கடக்கும் என இந்திய வானிலை ஆய்வு மையம் தெரிவித்துள்ளது.

இதனிடையே மதுரை, திருநெல்வேலி மாவட்டங்களை சேர்ந்த தீயணைப்பு படை வீரர்கள் முன்னெச்சரிக்கை நடவடிக்கையாக மீட்பு பணிகளில் ஈடுபட நாகப்பட்டினம் வந்துள்ளனர். இவர்கள் இரண்டு குழுக்களாக பிரிந்து பாதிப்பு ஏற்படக்கூடிய தாழ்வான பகுதிகளான தலைஞாயிறு, தரங்கம்பாடி மற்றும் சீர்காழி பகுதிகளுக்கு சென்றுள்ளனர்.

அதே போல இந்திய ராணுவக் குழுக்கள் தமிழகம் வந்துள்ளதாக அமைச்சர் ஆர்.பி உதயகுமார் தெரிவித்துள்ளார். புயல் மீட்புப் பணிக்காக 14 இந்திய ராணுவ குழு சென்னை-திருச்சி வந்துள்ளன. ஒவ்வொரு குழுவிலும் 10 ராணுவ வீரர்கள் இருப்பார்கள்.  புயல் தடுப்பு பணிகளை மேற்கொள்ள ராணுவத்தின் குழு பெங்களூரில் இருந்து சென்னை வந்ததுள்ளது குறிப்பிடத்தக்கது.