மோட்டார் சைக்கிளில் மது பாட்டில்களை கடத்தி வந்தவரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள ஓட்டப்பிடாரம் பகுதியில் சட்டவிரோதமாக மது விற்பனை செய்வதை தடுக்க மணியாச்சி காவல்துறையினர் தீவிர வாகன சோதனையில் ஈடுபட்டுள்ளனர். அப்போது அந்த வழியாக வந்த மோட்டார் சைக்கிளை காவல்துறையினர் மடக்கி பிடித்து விசாரணை நடத்தினர். அந்த விசாரணையில், அவர் கவர்னகிரி கிராமத்தில் வசிக்கும் சாமுவேல் என்பது தெரியவந்துள்ளது.
மேலும் இவர் முப்பிலிவெட்டி அருகில் உள்ள மதுக்கடையில் இருந்து 50 மதுபாட்டில்களை வாங்கி சட்டவிரோதமாக விற்பனை செய்வதற்காக கடத்திச் சென்றதும் காவல்துறையினருக்கு தெரியவந்துள்ளது. இதுகுறித்து வழக்கு பதிவு செய்த காவல்துறையினர் சாமுவேல்ராஜை கைது செய்ததோடு அவரிடம் இருந்த 50 மதுபாட்டில்களையும், மோட்டார் சைக்கிளையும் பறிமுதல் செய்தனர்.