மோட்டார் சைக்கிள் திருடிய வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள உமரிக்கோட்டை பகுதியில் சிவன் என்பவர் வசித்து வருகிறார். இவருக்கு சுடலைமணி என்ற மகன் உள்ளார். இந்நிலையில் சுடலைமணி கடந்த 16-ஆம் தேதி தனது மோட்டார் சைக்கிளை வீட்டின் முன்பு நிறுத்தியிருந்தார். அதன்பின் மறுநாள் காலையில் வந்து பார்த்த போது மோட்டார் சைக்கிளை மர்மநபர்கள் திருடி சென்றது தெரியவந்துள்ளது. இதுகுறித்து சுடலைமணி தட்டப்பாறை காவல்நிலையத்தில் புகார் அளித்துள்ளார்.
அந்த புகாரின் பேரில் வழக்கு பதிவு செய்த காவல்துறையினர் விசாரணை நடத்தினர். அந்த விசாரணையில் மோட்டார் சைக்கிளை திருடியது தூத்துக்குடி கீழ செக்காரக்குடி பகுதியில் வசிக்கும் நெல்லையப்பன் என்பது தெரியவந்துள்ளது. இதனையடுத்து காவல்துறையினர் நெல்லையப்பனை கைது செய்ததோடு அவரிடமிருந்த மோட்டார் சைக்கிளையும் பறிமுதல் செய்தனர்.