உருமாற்றம் அடைந்த புதிய வகை கொரோனா சிங்கப்பூருக்கு பரவியுள்ளதால் அதிர்ச்சி ஏற்பட்டுள்ளது.
இங்கிலாந்தில் கொரோனாவிலிருந்து மாறுபட்ட புதிய வகை கொரோனா பரவி வருகிறது, இதனால் உயிர்பலி ஏற்படும் அபாயம் இல்லை என்று விஞ்ஞானிகள் கூறினாலும் முந்தைய கொரோனா வைரஸை விட இது 70% அதிகம் பரவக்கூடியது என்று ஆராய்ச்சியாளர்கள் கூறுகின்றனர். இந்த வைரஸ் எதிராளியின் காரணமாக பல்வேறு நாடுகள் பிரிட்டனுக்கு விமான சேவையை ரத்து செய்துள்ளது. இந்நிலையில் இங்கிலாந்திலிருந்து சிங்கப்பூருக்கும் உருமாறிய புதிய வகை கொரோனா வைரஸ் B-117 பரவியுள்ளது என்று கண்டுபிடிக்கப்பட்டுள்ளது.
பிரிட்டனிலிருந்து சிங்கப்பூர் திரும்பிய மாணவி ஒருவருக்கு உருமாறிய புதிய வகை கொரோனா இருப்பது கண்டறியப்பட்டுள்ளது. இதையடுத்து மாணவியுடன் தொடர்பில் இருந்தவர்களுக்கும் நடத்தப்பட்ட சோதனையில் புதிய வகை கொரோனா B-117 இல்லை என்பது உறுதியாகியுள்ளது.
மேலும் ஐரோப்பிய நாடுகளிலிருந்தும் சிங்கப்பூர் திரும்பியவர்களில் மேலும் 11 பேருக்கு உருமாறிய புதிய வகை வைரஸ் இருப்பது கண்டுபிடிக்கப்பட்டுள்ளது.