ஐக்கிய அரபு அமீரகத்தில் உள்ள எமிரேட்சில் 15-வது ஆசிய கோப்பை கிரிக்கெட் போட்டி கடந்த மாதம் 27-ஆம் தேதி தொடங்கியது. இந்த போட்டியில் இந்தியா, இலங்கை, பாகிஸ்தான், ஆப்கானிஸ்தான், வங்காளதேசம், ஹாங்காங் உள்ளிட்ட 6 அணிகள் பங்கேற்றது. கடந்த 2-ம் தேதி லீக் ஆட்டங்கள் முடிவடைந்த நிலையில், ஏ பிரிவில் இந்தியா மற்றும் பாகிஸ்தான் அணிகளும், பி பிரிவில் இலங்கை மற்றும் ஆப்கானிஸ்தான் அணிகளும் சூப்பர் 4 சுற்றுக்கு முன்னேறினர். இதில் இலங்கை தான் விளையாடிய 3 சுற்றுகளிலும் வெற்றி பெற்று இறுதிப் போட்டிக்கு முன்னேறி உள்ளது. அதன் பிறகு பாகிஸ்தான் அணி 2 வெற்றி 1 தோல்வி என இறுதிப் போட்டிக்கு முன்னேறியுள்ளது. இந்நிலையில் நாளை பாகிஸ்தான் மற்றும் இலங்கை அணிகள் இரவு 7:30 மணி அளவில் மோதுகின்றது.
இதில் பாபர் அசாம் தலைமையிலான பாகிஸ்தான் அணியில் சதப்கான், ஹரிஷ்ரவுப், நசீம்ஷா ஆகியோர் பந்துவீச்சிலும், குஷ்தில் ஷா, இப்திகார் அகமது, பகர் தமான், முகமது ரிஸ்வான் ஆகியோர் பேட்டிங்கிலும் நல்ல நிலையில் இருக்கின்றனர். இதேபோன்று தசன் ஜனகா தலைமையிலான இலங்கை அணியில் பிரமோத் மதுஷன், தீக்ஷனா, ஹசரங்கா ஆகியோர் பந்து வீச்சிலும், ராஜபக்சே, பானுகா, குசல் மெண்டிஸ், கில் நிசாங்கா ஆகியோர் பேட்டிங்கிலும் நல்ல நிலையில் இருக்கின்றனர். மேலும் ஆசிய கோப்பை போட்டியில் இலங்கை இதுவரை 5 வெற்றிகள் பெற்ற நிலையில், பாகிஸ்தான் 2 முறையும், இந்தியா அதிகபட்சமாக 7 முறையும் வெற்றி பெற்றுள்ளது என்பது குறிப்பிடத்தக்கதாகும்.