தமிழ் சினிமாவில் உச்ச நட்சத்திரமாக ஜொலிப்பவர் தளபதி விஜய். இவர் பீஸ்ட் படத்தை தொடர்ந்து தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் ராஷ்மிகா மந்தனா ஹீரோயினாக நடிக்க, பிரகாஷ் ராஜ், சரத்குமார், யோகி பாபு, குஷ்பூ, சங்கீதா, மீனா, சினேகா, சாம் உள்ளிட்ட பல பிரபலங்கள் முக்கிய வேடத்தில் நடித்துள்ளனர். குடும்ப செண்டிமெண்ட் கதை அம்சத்தில் உருவாகும் வாரிசு திரைப்படத்தில் விஜய் வித்தியாசமான கதாபாத்திரத்தில் நடித்துள்ளதாக படக்குழுவினர் கூறியுள்ளனர். இப்படம் அடுத்த வருடம் பொங்கல் பண்டிகையை முன்னிட்டு ரிலீஸ் ஆகும்.
இந்த படத்தை தொடர்ந்து நடிகர் விஜயின் 67-வது திரைப்படத்தை லோகேஷ் கனகராஜ் இயக்க இருப்பதாக தகவல்கள் வெளியாகியுள்ளது. இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இந்நிலையில் நடிகர் விஜய் தன்னுடைய 67-வது திரைப்படத்திற்காக சம்பளத்தை குறைத்துக் கொண்டதாக புதிய தகவல் வெளியாகியுள்ளது. நடிகர் விஜய் 130 கோடி சம்பளம் வாங்குவதாக கூறப்படும் நிலையில், அப்படத்திற்காக தன்னுடைய சம்பளத்தை 5 கோடி வரை குறைத்து 125 கோடி மட்டுமே வாங்க இருப்பதாக புதிய தகவல் வெளியாகியுள்ளது. மேலும் தளபதி 67 திரைப்படத்தின் அறிவிப்புக்காக ரசிகர்கள் மிகுந்த எதிர்பார்ப்பில் இருக்கின்றனர்.
