அதை மேய்க்க சென்ற போது… விவசாயிக்கு காத்திருந்த அதிர்ச்சி… வலை வீசித் தேடும் காவல்துறையினர்…!!

பட்டப்பகலில் விவசாயின் வீட்டில் மர்ம நபர்கள் பணம் மற்றும் தங்க நகைகளை திருடி சென்ற சம்பவம் பரபரப்பை ஏற்படுத்தியுள்ளது.

தென்காசி மாவட்டத்திலுள்ள தட்டான்குளம் பகுதியில் விவசாயியான வேல்சாமி என்பவர் தனது குடும்பத்துடன் வசித்து வருகின்றார். இவர் சில ஆடுகளை சொந்தமாக வளர்த்து வருகின்றார். இந்நிலையில் வேல்சாமி தனது ஆடுகளை மேய்த்து விட்டு வீட்டிற்கு திரும்பிய போது வீட்டின் முன்பகுதியில் உள்ள கதவு உடைக்கப்பட்டு இருந்ததை கண்டு உள்ளே சென்று பார்த்துள்ளார்.

அப்போது பீரோவின் கதவு உடைக்கப்பட்டு அதிலிருந்த 2 லட்சத்து 50 ஆயிரம் பணம் மற்றும் 10 பவுன் தங்க நகைகளை மர்ம நபர்கள் திருடி சென்றதை கண்டு அதிர்ச்சி அடைந்துள்ளார். இதனையடுத்து வேல்சாமி உடனடியாக காவல் நிலையத்தில் புகார் கொடுத்துள்ளார். அந்த புகாரின்படி வழக்குப்பதிவு செய்த காவல்துறையினர் 2 லட்சத்து 50 ஆயிரம் பணம் மற்றும் 10 பவுன் தங்க நகைகளை திருடிச் சென்ற மர்ம நபர்களை வலைவீசி தேடி வருகின்றனர்.