தொழிலாளி மரம் ஏறும் போது தவறி கீழே விழுந்து உயிரிழந்த சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள உலகாபுரம் பகுதியில் மரம் ஏறும் தொழிலாளியான சேர்மன் என்பவர் தனது குடும்பத்துடன் வசித்து வந்துள்ளார். இந்நிலையில் சேர்மன் அப்பகுதியில் அமைந்துள்ள தென்னை தோப்பில் உள்ள மரத்திலிருந்து தேங்காய்களை பறிப்பதற்காக ஏறி சென்றபோது எதிர்பாராதவிதமாக தவறி கீழே விழுந்து விட்டார். இதில் சேர்மன் பலத்த காயம் அடைந்து உயிருக்கு போராடிக் கொண்டிருந்தார்.
இதனையடுத்து அருகிலிருந்தவர்கள் பலத்த காயம் அடைந்த சேர்மனை உடனடியாக மீட்டு சிகிச்சைக்காக அரசு மருத்துவமனையில் அனுமதித்துள்ளனர். ஆனால் அங்கு சேர்மனுக்கு அளிக்கப்பட்ட சிகிச்சை பலனின்றி அவர் பரிதாபமாக உயிரிழந்து விட்டார். இதுகுறித்து தகவல் அறிந்த காவல்துறையினர் மருத்துவமனைக்கு விரைந்து சென்று சேர்மனின் உடலைக் கைப்பற்றி உடற்கூறு ஆய்வுக்காக அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.