ஏமன் நாட்டில் தீவிரமடைந்த மோதலில் 100 நபர்கள் உயிரிழந்ததாக தெரிவிக்கப்பட்டிருக்கிறது.
ஏமன் நாட்டில் உள்ள Marib என்ற நகரத்தில் மோதல் தீவிரமடைந்துள்ளது. கடந்த இரண்டு நாட்களில் ஈரான் நாட்டின் ஆதரவு பெற்ற 100 ஹவுத்தி போராளிகளும், அரசப்படையை சேர்ந்தவர்களும் உயிரிழந்ததாக ராணுவம் தெரிவித்திருக்கிறது. ஏமன் நாட்டின் வடக்கு பகுதியில், அரசின் இறுதிக்கோட்டையான Marib நகர் மீது ஹவுத்தி போராளிகள் தாக்குதல் நடத்தியுள்ளனர்.
எனவே, அரபு கூட்டுப்படையானது, அவர்களை குறிவைத்து, வான்வழித் தாக்குதலை தொடர்ந்து நடத்திக்கொண்டிருக்கிறது. கடந்த 2 நாட்களில் Marib-நகரில் அரபு கூட்டுப்படையினர் சுமார் 60 தாக்குதல்களை மேற்கொண்டதாக தெரிவிக்கப்பட்டுள்ளது. சமீபத்தில் நடந்த மோதல்களில், ஹவுத்தி போராளிகள் சுமார் 68 நபர்களும், அரசாங்க படையை சேர்ந்தவர்கள் சுமார் 32 நபர்களும் உயிரிழந்ததாக தெரிவிக்கப்பட்டுள்ளது.