ஆட்டோ-கார் நேருக்கு நேர் மோதிக் கொண்ட விபத்தில் 5 பேர் பலத்த காயமடைந்தனர்.
திருவண்ணாமலை மாவட்டத்தில் உள்ள சித்தேரி கிராமத்தில் ஐஸ்வர்யா, விந்தியா, சுவாதி ஆகிய 3 பேரும் ஆரணியில் வசித்து வருகின்றனர். இவர்கள் 3 பேரும் ஆரணியில் உள்ள ஜவுளி கடையில் வேலை செய்கின்றனர். இந்நிலையில் நெசல் பகுதியில் வசிக்கும் சீனிவாசன் உள்பட 4 பேர் ஆரணி பகுதியில் வசிக்கும் ஸ்ரீதர் என்பவருடைய ஆட்டோவில் வீட்டிற்கு சென்று கொண்டிருந்தனர்.
இந்நிலையில் ஆரணி-சேத்துப்பட்டு நெடுஞ்சாலையில் ஆட்டோ சென்று கொண்டிருந்தது. அப்போது ஆரணி நோக்கி வந்த கார்-ஆட்டோ நேருக்கு நேர் மோதியது. இந்த விபத்தில் 5 பேரும் பலத்த காயமடைந்தனர். இதனை பார்த்த அருகில் இருந்தவர்கள் அவர்களை உடனடியாக மீட்டு ஆரணி அரசு மருத்துவமனையில் சிகிச்சைக்காக அனுமதித்தனர். மேலும் இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.