ஆட்டோ ஓட்டுனர் போக்சோ சட்டத்தின் கீழ் கைது செய்யப்பட்டார்.
காஞ்சிபுரம் பழைய பேருந்து நிலையம் அருகே ஒருவர் பழக்கடை வைத்துள்ளார். இவருக்கு திருமணமாகி மனைவியும், இரண்டு பெண் குழந்தைகளும் இருக்கின்றனர். இந்நிலையில் கருத்து வேறுபாடு காரணமாக தம்பதியினர் விவாகரத்து பெற்று தனித்தனியாக வசித்து வருவதால் மூத்த மகள் தந்தையுடனும், இளைய மகள் தாயுடனும் வசித்து வருகின்றனர். இந்நிலையில் 12 வயதுடைய சிறுமி கொரோனா காலகட்டத்தில் பழக்கடையில் தனது தந்தைக்கு உதவியாக இருந்துள்ளார். அப்போது ஆட்டோ ஓட்டுனரான ரஞ்சித் என்பவருடன் சிறுமிக்கு பழக்கம் ஏற்பட்டுள்ளது.
இது குறித்து அறிந்த சிறுமியின் தந்தை தனது மகளை தாயிடம் விட்டுவிட்டார். கடந்த 13-ஆம் தேதி வயிற்றுப் மேல் பகுதி மேடாக இருந்ததால் கட்டி என நினைத்து சிறுமியின் தாய் தனது மகளை மருத்துவமனைக்கு அழைத்து சென்றுள்ளார். அங்கு சிறுமியை பரிசோதித்து பார்த்த மருத்துவர்கள் அவர் கர்ப்பமாக இருப்பதாக தெரிவித்துள்ளனர். நேற்று சிறுமிக்கு ஆண் குழந்தை பிறந்ததால் அதிர்ச்சியடைந்த தாய் அனைத்து மகளிர் காவல் நிலையத்தில் புகார் அளித்தார். அந்த புகாரின் பேரில் போக்சோ சட்டத்தின் கீழ் வழக்கு பதிந்த போலீசார் ரஞ்சித்தை கைது செய்து நீதிமன்றத்தில் சிறையில் அடைத்தனர்.