9 வயது சிறுமியை தாக்கி ஆட்டோ டிரைவர் பாலியல் தொந்தரவு கொடுத்த சம்பவம் அதிர்ச்சியை ஏற்படுத்தியுள்ளது.
சென்னை மாவட்டத்தில் உள்ள அண்ணா நகர் பகுதியில் ஒரு பெண் வசித்து வருகிறார். இந்த பெண் அப்பகுதியில் சிறிய கடை ஒன்றை நடத்தி வந்துள்ளார். இந்நிலையில் ஆட்டோ டிரைவரான பிரபாகரன் என்பவர் குறைந்த விலையில் பாமாயில் வாங்கித் தருவதாக அந்த பெண்ணிடம் கூறியுள்ளார். இதனால் அந்த பெண் ஆட்டோ டிரைவரான பிரபாகரனுடன் தனது 9 வயது மகளை அனுப்பி வைத்துள்ளார். இதனையடுத்து சிறிது தூரம் சென்ற பிறகு அந்த சிறுமியை தாக்கிய ஆட்டோ டிரைவர் பிரபாகரன் சிறுமிக்கு பாலியல் தொந்தரவு கொடுத்துள்ளார்.
இதனால் அதிர்ச்சி அடைந்த அந்த சிறுமியின் அலறல் சத்தத்தை கேட்டு அருகில் இருந்தவர்கள் ஓடி வந்து பிரபாகரனைப் பிடித்து அடித்து உதைத்தனர். அதன்பின் அவரை அனைத்து மகளிர் காவல் நிலையத்தில் பொதுமக்கள் ஒப்படைத்து விட்டனர். இதனையடுத்து காவல்துறையினர் நடத்திய விசாரணையில் பிரபாகரன் சிறுமிக்கு பாலியல் தொந்தரவு கொடுத்தது உறுதி செய்யப்பட்டுள்ளது. அதன் பின்பு போக்சோ சட்டத்தின் கீழ் வழக்குப்பதிவு செய்த காவல்துறையினர் பிரபாகரனை கைது செய்து விசாரணை நடத்தி வருகின்றனர்.