ஆட்டோவில் மருத்துவமனைக்கு செல்லும் வழியில் பெண்ணுக்கு ஆண் குழந்தை பிறந்துள்ளது.
புதுக்கோட்டை மாவட்டத்தில் உள்ள காட்ராம்பட்டி பகுதியில் ரங்கநாதன் என்பவர் வசித்து வருகிறார். இவருக்கு நீலாம்பரி என்ற மனைவி உள்ளார். இந்நிலையில் நீலாம்பரி நிறைமாத கர்ப்பிணி பெண்ணாக இருந்துள்ளார். அதன்பின் நீலாம்பரி தன் தாய் வீட்டிற்கு வந்த போது திடீரென்று பிரசவ வலி ஏற்பட்டுள்ளது.
இதனை அடுத்து அவருடைய உறவினர் ஒருவர் அந்த பெண்ணை ஆட்டோவில் அழைத்துக்கொண்டு அரசு மருத்துவமனைக்கு கொண்டு சென்று கொண்டிருக்கும் போது திடீரென பிரசவ வலி அதிகமானதை அடுத்து அவருக்கு ஆட்டோவில் ஆண் குழந்தை பிறந்துள்ளது.
பின்னர் உடனடியாக தாயும், சேயும் அரசு மருத்துவமனையில் அனுமதிக்கப்பட்டுள்ளனர். மேலும் அவர்களை பரிசோதனை செய்த அரசு மருத்துவர் தாயும், சேயும் நலமுடன் இருப்பதாக தெரிவித்துள்ளார்.