‘அயலான்’ படத்தின் பட்ஜெட் குறித்த அப்டேட் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் சிவகார்த்திகேயன். இயக்குனர் நெல்சன் இயக்கத்தில் இவர் நடிப்பில் சமீபத்தில் வெளியான திரைப்படம் ”டாக்டர்”. இந்த திரைப்படம் வெளியாகி ரசிகர்கள் மத்தியில் நல்ல வரவேற்பை பெற்று வெற்றியடைந்தது. இதனையடுத்து, இவர் நடிப்பில் டான் மற்றும் SK 20 படங்கள் உருவாகி வருகிறது.
இதையடுத்து இயக்குனர் ரவிக்குமார் இயக்கத்தில் இவர் நடித்துள்ள திரைப்படம் ”அயலான்”. இந்த படத்தில் கதாநாயகியாக ரகுல் ப்ரீத் சிங் நடிக்கிறார். ஏ. ஆர். ரஹ்மான் இசையமைக்கும் இந்தப் படத்திற்கு நீரவ் ஷா ஒளிப்பதிவு செய்துள்ளார். இந்நிலையில், இந்த படத்தின் பட்ஜெட் குறித்த அப்டேட் வெளியாகியுள்ளது. அதன்படி, இந்த திரைப்படம் 100 கோடி பட்ஜெட்டில் உருவாகி வருவதாக நடிகை இஷா கோபிகர் சமீபத்திய பேட்டி ஒன்றில் தெரிவித்துள்ளார்.